Yenixeber.org: Amerika şirkətlərinin “Suez Racan” tankerinin yükünü boşaltmaqdan imtina etməsi İrandan mümkün “intiqam” qorxusu ilə bağlıdır.
Bu il, əvvəlcə “Suez Racan” tankerinin yunan sahibini “sanksiya pozuntuları”nda günahlandıran prokurorlar, daha sonra İran neftini daşıyan tankerin boşaldılmasını əmr ediblər. Qərara əsasən, “Suez Racan” neft tankeri iyunun 8-də Texasın Qalveston sahilinə köçürülüb və ABŞ Sahil Mühafizəsi ələ keçirilən İran neftinin boşaldılması üçün təmizləmə əməliyyatı həyata keçirib.
Belə köçürmələri idarə edən şirkətlər qəzetə bildiriblər ki, onların Tehranın “qisas alması” ilə bağlı “həddindən artıq narahatlığı” İranın ələ keçirdiyi neftin sərbəst buraxılması qarşısında maneəyə çevrilib.
“Fars körfəzində hər hansı formada ifşa oluna bilən şirkətlər İranın onlardan qisas alacağından çox narahatdırlar. Ələ keçirilən İran neftinin azad edilməsi üçün əlaqə saxlanılan bir neçə Amerika şirkəti bununla bağlı əməkdaşlıqdan boyun qaçırıb. Çətin ki, kimsə bu yükə toxunmağa razı olsun”, - qərargahı Amerikanın Hyuston şəhərində yerləşən enerji şirkətinin icraçı direktoru qəzetə müsahibəsində deyib.
“Wall Street Journal”ın yazdığına görə, İranın ələ keçirdiyi neftin azad edilməsi yolundakı çıxılmaz vəziyyət Birləşmiş Ştatlar hökumətinin üzləşdiyi çətinlikləri, xüsusən də “Qərb gəmiçilik maraqlarına qarşı hücumların intensivləşməsinə səbəb olan” İrana qarşı sanksiyaların tətbiqi məsələsini nümayiş etdirir.
Analitiklərin və ABŞ-nin keçmiş rəsmilərinin fikrincə, Tehran bu üsullardan İranın Qərbdən ixrac qadağasının qarşısını almaq üçün istifadə edir.