Yenixeber.org: Co Bayden administrasiyası nüvə məsələsində İranla heç bir real razılaşmaya yaxın deyil.
Onun sözlərinə görə, İran və Rusiya arasındakı münasibətlər Vaşinqtonu ciddi şəkildə narahat edir, çünki bu, Vladimir Putinə ukraynalıları öldürmək üçün real imkan verir.
“Ukraynanın kaset bombaları ilə təchiz edilməsi təqdirəlayiq haldır. İran məsələsinə gəlincə, Bayden administrasiyası nüvə məsələsində İranla heç bir real razılaşmaya yaxın deyil. Hökumət işinin ilk günündən İranda haqsız yerə həbs olunmuş dörd amerikalının azad edilməsi üçün çox çalışıb. Bununla bağlı İranla dolayı əlaqə saxlayıb. Lakin bu mərhələyə qədər heç bir anlaşma əldə olunmayıb və bunun üzərində iş davam edir. Bu səylərin arzuolunan nəticəni verəcəyinə ümid edirik”, - Sallivan deyib.
Qeyd edək ki, bir müddət əvvəl İran hökuməti həbsdə saxladığı ikili vətəndaşlığa malik şəxslərin ABŞ-a qaytarılacağını nəzərdə tutan “Məhkum mübadiləsi” sazişini müəyyən şərtlər əsasında həyata keçirməyə prinsipcə hazır olduğunu bəyan etmişdi. Lakin ABŞ səlahiyyətliləri anlaşmanın tamamlanmasına mane oldular.