Yenixeber.org: Paşinyan komandasının üzvlərindən biri, Ermənistan parlamentinin Avropaya İnteqrasiya Komissiyasının sədri Arman Eqoyan KTMT-nin İrəvanın ümidlərini doğrultmadığını bildirib və təşkilatı sərt tənqid edib. Deputat KTMT-nin nədən Azərbaycan-Ermənistan sərhədindəki qarşıdurmaya Qazaxıstandakı iğtişaşlar zamanı olduğu kimi, operativ münasibət göstərməməsinə dair suala belə cavab verib: “Siz KTMT-nin reaksiyasını gördünüz. Çox açıq qiymət vermək istəmirəm, bu reaksiya necə var, elədir. Beynəlxalq münasibətlərdə dövlətlər və beynəlxalq qurumlar öz maraqları çərçivəsində fəaliyyət göstərirlər. Qazaxıstanda başqa maraqlar vardı, Ermənistanda isə bir başqa…”

Eqoyan üstörtülü şəkildə deyib ki, KTMT-yə müraciət olunsa da, ondan hərbi yardım gözləmək yersiz və mənasızdır: “Bilirsiniz ki, Azərbaycan praktiki olaraq, KTMT üzvü olan bütün dövlətlərlə strateji müttəfiqdir”.

Xatırladaq ki, Ermənistanın KTMT-yə rəsmi müraciətindən sonra təşkilat Azərbaycan-Ermənistan sərhədinə vəziyyətlə yerində tanış olmaq üçün missiya göndərməklə kifayətlənib.