AZ
RU
Yenixeber.org: "Dünən Ermənistan ictimaiyyəti bütün diqqəti ilə sözün həqiqi mənasında ekranlara pərçimləndi. Xalq Ermənistanın baş nazirinin Şərq İqtisadi Forumunda iştirakını, əslində isə Rusiya prezidenti ilə görüşdüyü uzaq Vladivostokda baş verən prosesləri izləyib. Sonradan internetdə hökumət başçılarının nəyi necə demələri və sair məsələlərlə bağlı qızğın müzakirələr və tənqidlər başladı.
Əlbəttə ki, fərqli insanlar tam fərqli şeylərə diqqət yetirirdilər. Birincisi, Ermənistanın baş nazirinin rus dilini bilməsi vacib idi. Bəziləri onun ləhcəsindən və nitqinin yöndəmsizliyindən əsəbləşdi. Digərləri çıxışdakı bəzi ifadələri vurğuladılar. Ən böyük səs-küyə səbəb olan məqam isə onun Vladimir Putinə minnətdarlıq etməsi və komplimentlər səsləndirməsi oldu.
Xüsusən də Paşinyanın Vladimir Putinin erməni tərəfinin müraciətlərinə operativ cavab verməsindən heyran qalması barədə bəyanatı müzakirə olundu. Sonra o dedi ki, 2020-ci il noyabrın 9-da “Vladimir Putinin şəxsi səyləri sayəsində” hərbi əməliyyatların dayandırılmasına dair bəyanat imzalanıb. Sənədin 9-cu bəndi “iqtisadi və nəqliyyat infrastrukturlarının blokadadan çıxarılmasına” aiddir. Hansı ki, “Ermənistan Azərbaycan ərazilərindən, Azərbaycan Ermənistan ərazisindən keçməklə nəqliyyat marşrutları alacaq...”.
Paşinyan həmçinin “biz ümid edirik ki, bu prinsip əsasında "Erməni yol ayrıcı” adlandırdığımız layihəni həyata keçirə biləcəyik... Həmin ərazidən cənubdan şimala, qərbdən şərqə birləşdirən yollar keçəcək". Paşinyan hakimiyyətinin ideologiyası məhz bu blef və hiylə üzərində qurulub: reallıqla heç bir əlaqəsi olmayan manipulyasiya və əsassız gözləntilər", - nəşr yazıb.
Erməni mediası Paşinyanın Rusiya səfərini tənqid etdi:"Blef edir"
Ermənistanın baş naziri Nikol Paşinyanın Rusiyaya səfəri zamanı səsləndirdiyi qəribə fikirlər yerli mediada müzakirələrə səbəb olub. "Hraparak" nəşri yazır ki, İrəvan təmsilçisinin rusiyalı həmkarını ağız dolusu tərifləməsi yersiz görünüb.
