Uşaqlarda koronavirus pandemiyası səbəbiylə post-travmatik stress də daxil olmaqla ciddi ruhi sağlamlıq vəziyyətləri inkişaf edir, bir hesabatda deyilir.

Yenixeber.org: "Uşaqlıq Güvəni" xeyriyyə təşkilatının hesabatında göstərilir ki, pandemiya uşaqların həddindən artıq həssas qalmasına səbəb olur.

Sevdiklərinin sağlamlığı ilə bağlı narahatlıqla yanaşı, bir çox uşaq sosial təcrid və aclıqla da qarşılaşır.

İnternetə çıxışın olmaması da uşaqları "geri addımlamağa" doğru aparır.

                                  "Anam öləcək, geri qayıtmayacaq"

"Uşaqlıq Güvəninin" təşkilatının baş icraçı direktoru Laurence Guinness, deyib ki, danışdığı bir çox uşaq koronavirus və ölümlə əlaqəli "qabarıq kabuslar"la - post-travmatik stress pozğunluğunun (PTSD) mümkün yan təsiri ilə qarşılaşdıqlarını söyləyib.

Laurence Guinness bu uşaqların dünyadakı ölüm saylarından təsirləndiyini, bunun da onları valideynlərinin və dostlarının koronavirusdan öləcəyindən qorxutduğunu deyib.

"Hər gün ölüm sayının artdığı bildirilir - bu uşaqlar bunların hamısını gördülər və daxili içlərinə atdılar" dedi.

Hesabatda, Bath Universitetinin klinik psixoloqu Dr Maria Loades-ə istinadən deyilir ki, təcrid tədbirləri "depresiya və ehtimal olunan narahatlıq riskini, eləcə də post-travmatik stressi çoxalda bilər".

Londonda ibtidai məktəb müəllimi Galiema Amien-Cloete deyib ki, o, valideynlərin koronavirus barədə narahatlıqlarının "uşaqlara ötürüldüyünün" şahidi olub.

Hesabatda qeyd olunur ki, Londonda ibtidai sinfə gedən qız anası səhiyyə sistemində işlədiyi üçün onun "koronavirusa yoluxub-yoluxmayacağı barədə" narahatlıq keçirib. Digər qız isə anası hər evdən işə getdiyində "anam öləcək, geri qayıtmayacaq" deyə düşündüyünü deyib.(BBC)