AZ
RU
Kosovo Futbol Federasiyasının prezidenti-həbs edildi
Kosovo Futbol Federasiyasının (FFK) prezidenti Aqim Ademi həbs edilib.
Yenixeber.org: Ademi rüşvət verməyə cəhd etdiyi üçün 9 ay müddətinə azadlıqdan məhrum edilib.
Kosovo Apelyasiya Məhkəməsinin çıxardığı hökm iyul ayında Priştinadakı məhkəmə tərəfindən çıxarılan qərarı qüvvədə saxlayıb. Müstəntiqlər bildirib ki, 2012-ci ilin iyul ayında Ademi və dostu iş ortaqlarını daşınmaz əmlakla bağlı saxta sənədlər müqabilində Priştinadakı bələdiyyə işçisinə 30 min avro ödəməyə və ya maşın almağa məcbur etməyə çalışıb.
Qeyd edək ki, Aqim Ademi FFK-nın sabiq rəhbəri Fadil Vokrinin qəfil vəfatından sonra 2018-ci ildə qurumun prezidenti olub. O, əvvəl federasiyanın vitse-prezidenti vəzifəsini icra edirdi. Kosovo millisi 2018-ci ildə Millətlər Liqasında Azərbaycan millisi ilə birgə eyni qrupda mübarizə aparıb.
