Ukrayna Prezidenti Volodimir Zelenski Çexiyanın “ČT24” telekanalına müsahibə verib.

Yenixeber.org: Volodimir Zelenski müharibədən öncə, ərəfəsi və hal-hazırada müharibənin gedişatı ilə bağlı verilən sualları cavablandırıb.

Zelenski “Kiyevdən getməyi düşünüdünüzmü?” sualına da cavab verib. Zelenskinin sözlərinə görə, hər on dəqiqədən bir ona zəng edib ölkədən çıxmağı məsləhət görüblər:

“Hamı mənə dedi ki, mən dərhal getməliyəm. Hamı. Həm dövlətimiz daxilindəki xüsusi xidmət orqanları, həm də tərəfdaşlarımız. Onlar mənə üç gün ərzində Ukraynanı tərk etməyimi tövsiyə edirdilər. Ancaq mən qalmağı seçdim”.

Zelenskiyə hökumət rəsmiləri ilə birgə Kiyevdə Prezident Administrasiyasının önündə çəkdiyi videonun öncədən düşünülmüş, yoxsa improvizasiya olub-olmadığı ilə bağlı da sual verilib. 

“Harasa getmişəm demələri məni narahat edirdi, bezdirirdi. Ona görə dedim ki, biz yalnız ofisdən video çəksək, heç kim bizim Kiyevdə olduğumuza inanmaz, bayıra çıxmalı və oradan görüntülər paylaşmalıyıq ki, daha çox insan bizim Ukraynada olduğumuzu görsün” – Zelenski qeyd edib.