AZ
RU
“2001 təvəllüdlü hər 30 ermənidən biri bu müharibədə həyatını itirib” - AÇIQLAMA
"Bu qrafik Ermənistan hərbi itkilərinin yaş bölgüsünü göstərir. İndiyədək təxminən 1400 nəfərin adını və doğum ilini açıqlayıblar. Daha sonra rəsmən deyiblər ki, toplam itkilər 2400 nəfərdir, amma o 1000 nəfərin məlumatları hələ açıqlanmır. Əgər o 1000 nəfərin yaş bölgüsü də eynidirsə (əslində, eyni olmalıdır), onda 2001-ci ildə doğulan hər 30 erməni oğlandan biri bu müharibədə həyatını itirdi".
Yenixeber.org: Bu barədə REAL Partiyasının sədri İlqar Məmmədov sosial şəbəkədə yazıb.
O bununla bağlı paylaşdığı cədvələ əlavə şərh verərək bildirib ki, belə itkilərə Ermənistan cəmiyyəti davam gətirə bilməz:
"Müharibədən sonra ölkədən insan axını daha da güclənəcək. Demoqrafik göstəricilərinə görə Ermənistan onsuz da yaxşı mövqedə deyildi, bundan sonra isə fəlakət həddinə yaxınlaşır".
