AZ
RU
İranın neft naziri:"Rusiya OPEC+ anlaşmasından vaxtından əvvəl çıxa bilər"
"Neft hasilatının həcminin azaldılması ilə bağlı anlaşmanın əsas iştirakçılarından biri olan Rusiya anlaşmadan vaxtından əvvəl çıxa bilər"
Yenixeber.org: Rusiya mətbuatına istinadən xəbər verir ki, bunu İranın neft naziri Bican Namdar Zanqane deyib.
Neft İxrac Edən Ölkələr Birliyinin (OPEC) anlaşmanın müddətini uzadıb-uzatmayacağı barədə suala cavabında B.N.Zanqane bildirib ki, Rusiyanın bu ilin sonuna qədər anlaşmada qalmaq istəyi görünmür. O, həmçinin qeyd edib ki, əgər belə olarsa, anlaşmaya dəyişikliklər edilməlidir.
Xatırladaq ki, OPEC+ anlaşmasına əsasən, Rusiya gündəlik hasilatın həcmini 300 min barel, digər əsas neft hasilatçısı olan Səudiyyə Ərəbistanı isə 468 min barel azaltmaq öhdəliyini üzərinə götürüb.
