AZ
RU
“Uorlikin səylərini dəstəkləməkdə davam edəcəyik”
“ABŞ-ın səyləri ATƏT-in Minsk qrupu həmsədrlərinin münaqişə zonasında gərginliyin azalmasına və danışıqların dəstəklənməsinə istiqamətlənən fəaliyyətinin dəstəklənməsinə yönəlib”.
Xeberinfo.com: Məlumata görə, bunu İrəvanda səfərdə olan ABŞ dövlət katibinin Avropa və Avrasiya işləri üzrə köməkçisinin müavini Bricit Brink bəyan edib.
O, münaqişə zonasında son vaxtlar gərginliyin artmasından xəbərdar olduğunu bildirib. “Lakin həmsədrlər ağır texnikadan istifadənin yolverilməzliyinə dair bəyanatla çıxış ediblər və tərəfləri atəşkəsə əməl etməyə çağırıblar. Əslində həmsədrlərin səyləri çox vacibdir. Biz səfir Uorliklə sıx əməkdaşlıq edirik və hərbi əməliyyatların bərpa olunmaması üçün onun səylərini dəstəkləməkdə davam edəcəyik”, – deyə o vurğulayıb.
