Alternativ Layihələr Qrupunun üzvü Elinar Vardanyan Ermənistanın mövcud hüquq sistemini yıxıb sürüyüb.

Yenixeber.org: Ermənilərin youtube kanalı olan AD TV xəbər verir ki, o, ölkədə hüquq sistemindəki ikili yanaşmanı sərt tənqid edib. Vardanyan vurğulayıb ki, həbs qəti-imkan tədbiri istintaq hərəkətlərində təzyiq kimi istifadə edilir. Onun sözlərinə görə, bu, geniş yayılmış bir formadır. Geniş yayılmış cinayət fəaliyyətinə təhrik kimi hallar cəmiyyətdə çoxdur. Bu isə bütün repressiyaların göstəricisidir. Elinar Vardanyan elə belə də deyib: “Ermənistan qanuni repressiya mərhələsinə qədəm qoyur”.

O, vurğulayıb ki, “Həbs qəti-imkan tədbiri uzun illər istifadə edilə bilməz, belə metodlar ehtiyat tədbiri kimi istifadə edilməlidir, halbuki bu gün istənilən halda həbs məcburiyyətlidir”.

Vardanyan deyib ki, “Biz daim keçmişlə müqayisə aparırıq, amma irəliləmək üçün heç bir addım atmırıq. Əvvəlki kimi ətalət və ya istəksizliyə davam etsək, bunun səbəbini soruşmaq lazım gələcək ki, bu da ədalətli çağırışdır. Amma repressiv mexanizmlərdən danışırıqsa, onu mütləq deməliyik ki, istintaq orqanlarında bir çox cinayət hadisələri var ki, kifayət qədər əsaslar olmasa da, həmin repressiv tədbirlər aparılır. Bu isə müəyyən bir vəziyyətə gətirir. Ona görə də hesab edirəm ki, repressiv tədbirlərə qarşı mübarizə aparmalıyıq”.