AZ
RU
ABŞ-ın yeni Daxili təhlükəsizlik naziri kimdir?- Tramp açıqladı
ABŞ Prezidenti Donald Tramp cümə günü Kevin Makelinenanın Daxili Təhlükəsizlik Nazirliyinin rəhbəri vəzifəsindən istefasından sonra bu vəzifəni Çed Vulfun icra etdiyini açıqlayıb.
Yenixeber.org: Tramp Çedin bu vəzifəyə təsdiq ediləcəyi ilə bağlı sualı cavablandırarkən belə deyib.
“Hazırda o, Daxili Təhlükəsizlik naziri vəzifəsini icra edir. Onun bu posta təsdiq edilməsini gələcək göstərəcək”, – deyə Ağ Evin rəhbəri bildirib.
ABŞ prezidenti əlavə edib ki, Vulf bu vəzifəni noyabrın 11-dən – Veteranlar Günündən sonra tam icra etməyə başlayacaq.
Tramp deyib ki, bu müddət ərzində Kevin Makelinena vəzifəsinin öhdəsindən layiqincə gəlib.
Qeyd edək ki, Kevinin istefası barədə Tramp oktyabrın 11-də elan etmişdi.
Çed Vulfun bundan əvvəl sözügedən qurumda şöbə müdirinin müavini vəzifəsində çalışdığı bildirilir.
