AZ
RU
Ermənistan Müdafiə Nazirliyi:"Azərbaycandan keçən əcnəbilər banqladeşlilərdir"
Ermənistanın ərazisinə qanunsuz girməyə cəhd edən altı əcnəbi Banqladeş vətəndaşıdır.
Yenixeber.org: "Sputnik Armeniya” bildirir ki, bunu Ermənistan müdafiə nazirinin səlahiyyətlərinin müvəqqəti icraçısı Viqen Sarkisyan bu gün keçirdiyi mətbuat konfransında deyib.
"Sərhəd pozucuları Banqladeş vətəndaşlarıdır. Onlar Ermənistan Milli Təhlükəsizlik Xidmətinə veriliblər", - deyə Sarkisyan vurğulayıb.
O, başqa detallar barədə məlumat verməyib.
Azərbaycan Müdafiə Nazirliyi isə altı nəfər insanın Ermənistana keçidi haqda informasiyanı təsdiq etmir.
"Belə informasiya yoxdur", - deyə nazirlikdən qısaca bildiriblər.(virtualaz)
