İsrail xarici işlər naziri Gideon Saarın rəhbərlik etdiyi 40 iş adamından ibarət nümayəndə heyəti Azərbaycan və Qazaxıstana yola düşüb.

Yenixeber.org: Bu barədə İsrail mediası xəbər yayıb.

Səfər ikitərəfli siyasi və iqtisadi əlaqələrin gücləndirilməsi məqsədi daşıyır.

Səfər proqramına rəsmi tədbirlər, eləcə də dövlət qurumlarının və ictimai təşkilatların nümayəndələri ilə əlaqələr daxildir. Xüsusilə yəhudi icmalarının nümayəndələri ilə görüşlərə diqqət yetiriləcək.

Qazaxıstana səfər ölkənin İbrahim Sazişlərinə qoşulması ilə əlaqədardır. Bundan əlavə, nazir Astanada Beynəlxalq Holokost Anım Gününü qeyd etmək üçün tədbirlərdə iştirak edəcək.

Saarı 40-dan çox iş adamı və İsrail dövlət qurumlarının nümayəndələrindən ibarət nümayəndə heyəti müşayiət edir. Nümayəndə heyəti su texnologiyaları və kənd təsərrüfatı, kibertəhlükəsizlik, mühəndislik, maliyyə, səhiyyə və digər sektorları təmsil edir.

Saarın təşəbbüsü ilə Bakı və Astanada da biznes forumlarının keçirilməsi planlaşdırılır. Bu forumlara İsrail nümayəndə heyətinin nümayəndələri ilə yerli sahibkarlar və işgüzar dairələr arasında görüşlər də daxil olacaq.