AZ
RU
Ukraynanın müharibəni uduzması üçün obyektiv səbəb yoxdur
"Ukraynanın məğlub olması üçün obyektiv səbəb yoxdur".
Yenixeber.org xəbər verir ki, bu fikri Polşanın Baş naziri Donald Tusk “Gazeta Wyborcza”ya verdiyi müsahibəsində ifadə edib.
Polşanın Baş naziri bildirib ki, ölkəsinin geosiyasi gələcəyi ümidvericidir, lakin bu, Ukraynadakı vəziyyətin həllindən asılıdır.
Tusk vurğulayıb ki, Polşa regiondakı strateji mövqeyindən səmərəli istifadə etməli və Ukraynaya dəstəyini davam etdirməlidir, çünki Ukraynanın məğlubiyyəti Vistla çayı boyunca vəziyyətin pisləşməsinə səbəb ola bilər.
“Buna görə də biz diqqətimizi Ukraynaya yardım etməyə yönəltməliyik, çünki əgər Ukrayna müharibəni uduzsa, Polşadakı vəziyyət kəskin şəkildə pisləşəcək. Lakin mən moderat optimistəm. Ukraynanın məğlub olması üçün obyektiv səbəb yoxdur”, - Baş nazir vurğulayıb.
