Madaqaskarda hərbi qüvvələr ölkə rəhbərliyini ələ keçirib.

Yenixeber.org: Bu barədə ordunun Kadrlar Korpusu (CAPSAT) rəhbəri polkovnik Mikael Randrianirina məlumat verib. Onun sözlərinə görə, ordu bütün dövlət institutlarını buraxıb və idarəetməni öz üzərinə götürüb.

“Biz hakimiyyəti öz əlimizə aldıq”, — deyə polkovnik AFP-yə açıqlamasında bildirib.

Hadisələr prezident Andri Radzuelinanın ölkədən qaçmasından və parlamentin onun impiçmentinə səs verməsindən sonra baş verib. 131 deputatdan 130-u dövlət başçısının vəzifədən kənarlaşdırılmasını dəstəkləyib.

14 oktyabrda Radzuelina Milli Assambleyanı buraxdığını elan etmişdi, lakin deputatlar buna baxmayaraq toplaşaraq səsvermə keçiriblər.

Sentyabr ayından bəri Madaqaskar kütləvi etirazlarla silkələnir. Əvvəlcə su və elektrik qıtlığına qarşı başlanan aksiyalar sonradan korrupsiya və hökumətin səriştəsizliyinə qarşı ümumxalq etirazına çevrilib. BMT-nin məlumatına görə, etirazların ilk həftəsində azı 22 nəfər həlak olub, yüzə yaxın insan yaralanıb.

Hazırda ölkədə fövqəladə vəziyyət rejimi hökm sürür, ordu paytaxt Antananarivoda əsas dövlət obyektlərini nəzarətə götürüb.