AZ
RU
Rusiya Müdafiə Nazirliyi: Ukraynadan əsir hərbçilərimizin ilk qrupu qaytarılıb
25 yaşına çatmamış rusiyalı hərbi əsirlərin birinci qrupu İstanbulda əldə olunmuş razılaşmalara uyğun olaraq Rusiyaya qaytarılıb.
Yenixeber.org xəbər verir ki, bu barədə Müdafiə Nazirliyi məlumat yayıb.
Bunun müqabilində Ukrayna Silahlı Qüvvələrinin eyni sayda hərbi əsiri Kiyevə təhvil verilib”, - məlumatda bildirilib.
Mübadilə edilən əsirlərin sayı açıqlanmayıb.
Bildirilib ki, hazırda hərbçilər Belarusdadırlar, onlara zəruri psixoloji və tibbi yardım göstərilir.
"Bütün rusiyalı hərbçilər Rusiya Müdafiə Nazirliyinin tibb müəssisələrində müalicə və reabilitasiya üçün ölkəyə gətiriləcəklər", - məlumatda qeyd olunub.
Bu arada Ukrayna mətbuatı Prezident Volodimir Zelenskiyə istinadən yazır ki, proses yaxın bir neçə gün ərzində bir neçə mərhələdə həyata keçiriləcək. Geri qaytarılanlar arasında yaralılar və ağır yaralılar, həmçinin yaşı 25-dən az olan hərbçilər də var.
