AZ
RU
Kolumbiyada neft boru kəmərinə terror hücumu olub
Naməlum şəxslər Kolumbiyanın Arauka departamentində Bisentenario neft kəmərində terror aktı törədiblər.
Yenixeber.org-un xəbərinə görə, bu barədə "Ecopetrol" neft-qaz şirkətinin törəmə şirkəti olan "Cenit"in Mətbuat xidməti məlumat yayıb.
Qeyd edilir ki, “Cenit” Arauka Departamentinin Fortul bələdiyyəsinin kənd yerlərində, Palmarito bölgəsindəki bir boru kəmərində təcili tədbirlər və sızmalara cavab planını aktivləşdirib.
Yerli sakinlərə təmir işləri başa çatana qədər hadisə yerinə yaxınlaşmamağa, həmçinin Karanal çayının suyundan istifadə etməməyə çağırış edilib.
Şirkətdən verilən məlumata görə, Kolumbiya Milli Ordusu texniki mütəxəssislərin girişi üçün ərazinin təhlükəsizliyini təmin edir.
