“ABŞ Moldovada solçu baxışların təbliğatını maliyyələşdirmək üçün 32 milyon dollar ayırıb. Bu bizə lazımdırmı?”.

Yenixeber.org xəbər verir ki, bunu ABŞ prezidenti Donald Tramp Konqresdə çıxışı zamanı deyib.

Tramp keçmiş ABŞ administrasiyasının lazımsız xərclərinin ölkəyə ciddi ziyan vurduğunu qeyd edib

ABŞ üçün əlverişsiz olan digər xərclərə diqqət çəkən Tramp, “Mozambikdə kişilərin sünnəti üçün 10 milyon dollar”, “transgender siçanların yaradılması üçün 8 milyon dollar” və “Yaxın Şərqdə “ərəb Sezam küçəsi” üçün 20 milyon dollar” ayırıldığını diqqətə çatdırıb.

Bundan əlavə, Amerika lideri diqqəti ona yönəldib ki, ABŞ-da sosial müavinət alanların hazırkı məlumat bazasında yaşı 150 və hətta 160-a çatan şəxslər də var.

“Sosial təminat məlumat bazasına görə, bizdə guya 150-159 yaş arası 1,3 milyon insan və 160 yaşdan yuxarı 130 mindən çox insan var. Sən demə, ölkəmiz düşündüyümdən daha sağlamdır, Bobbi", - deyə Tramp ABŞ-ın səhiyyə və insan xidmətləri naziri Robert Kennediyə kinayə ilə deyib.