Görüşdə layihənin əsas məqsədləri, gənclər arasında ekokönüllülük fəaliyyətinin təbliği və bu sahədə maarifləndirmənin əhəmiyyəti vurğulanıb. Layihə rəhbərləri qeyd ediblər ki, ekokönüllülük, təkcə ekologiyanın qorunmasına deyil, həmçinin gənclərin şəxsi inkişafına və cəmiyyətin rifahına töhfə verən universal bir dəyərdir.

Tədbir iştirakçılarına COP-29 irsinin mahiyyəti və onun sağlam gələcəyimizin qurulmasında oynadığı mühüm rol barədə geniş məlumat təqdim edilib. Bildirilib ki, ekoloji maarifləndirmə və ekokönüllülük prinsiplərinin tətbiqi yalnız yerli ekoloji problemlərin həlli üçün deyil, həm də qlobal iqlim dəyişiklikləri ilə mübarizə üçün vacibdir.

Tədbir çərçivəsində iştirakçılar arasında ekokönüllülüklə bağlı diskussiyalar keçirilib, gənclərin bu sahəyə marağını artırmaq məqsədilə praktik tövsiyələr təqdim olunub. İştirakçılar ekoloji problemlərin həlli üçün öz fərdi təşəbbüslərinin və layihələrinin vacibliyini dərk edərək bu sahədə fəallıq göstərməyə dəvət olunublar.

Sonda vurğulanıb ki, ekokönüllülük ənənələrinin inkişaf etdirilməsi yalnız Azərbaycanda deyil, həm də region miqyasında ekoloji problemlərin aradan qaldırılmasına ciddi töhfə verə bilər.