“ABŞ-nin 45-ci Prezidenti Donald Trampın Ukrayna üzrə sülh planı tərəflərin tutduqları mövqelərdə qalmasını və Ukraynanın neytral statusunu nəzərdə tutur ki, bu da Rusiya Prezidenti Vladimir Putinin təklifləri ilə eynidir”.

Yenixeber.org: Bunu “The New York Times“ nəşrinə müsahibəsində ABŞ dövlət katibinin siyasi məsələlər üzrə keçmiş müavini Viktoriya Nuland deyib.

Onun sözlərinə görə, bu təkliflərin qəbul olunması Kreml rəhbərinə ölkəsinin silahlandırılması üçün vaxt qazandıracaq.
D. Trampın dövründə Pentaqonun əməkdaşı olmuş Elbric Kolbi isə bildirib ki, haqqında bəhs olunan yol xəritəsi Rusiya-Ukrayna münaqişəsi ətrafında indi mövcud olan vəziyyətə adekvatdır.
Ekspert eyni zamanda Ukraynanın NATO-ya üzvlükdən imtinası ilə bağlı ideyanı da dəstəkləyərək, bunun əksi barədə fikirləri məsuliyyətsiz təxəyyül nəticəsi adlandırıb.
”Tramp planı”na Ukrayna Ali Radasının Xarici İşlər üzrə Komitəsinin sədri Aleksandr Merejko da münasibət bildirib. Ukraynalı parlamentari onu siyasi reallıqdan uaq adlandırıb və vurğulayıb ki, həmin planda ölkəsinin təhlükəsizliyinə zəmanətə dair müddəa yoxdur.