AZ
RU
Hakan Fidan HƏMAS rəhbərliyi ilə görüşdü -FOTOLAR
Türkiyənin xarici işlər naziri Hakan Fidan HƏMAS Siyasi Bürosunun rəhbəri İsmayıl Haniyənin dəfn mərasimində iştirak etmək üçün Qətərin paytaxtı Dohaya səfər edib.
Yenixeber.org xəbər verir ki, bu barədə Anadolu Agentliyi məlumat yayıb.
Bildirilir ki, o, səfər çərçivəsində HƏMAS liderinin müavini Xalid Maşal və İsmayıl Haniyənin oğulları Abdüsselam və Hemmam Haniyə ilə görüşərək başsağlığı verib.
Qeyd edək ki, ötən gün İ. Hamiyə ilə Tehranda vida mərasimi baş tutub. O bu gün Dohada dəfn olunacaq.
Xatırladaq ki, İranın yeni Prezidenti Məsud Pezeşkianın andiçmə mərasimində iştirak etmək üçün Tehranda səfərdə olan İ. Haniyə iyulun 31-də yaşadığı iqamətgaha atılan raket zərbəsi nəticəsində öldürülmüşdü. 2025-ci ildə keçiriləcək seçkilərə qədər HƏMAS Siyasi Bürosunun rəhbəri vəzifəsini Xalid Maşalın icra edəcəyi bildirilir.
