AZ
RU
Hematologiya və Transfuziologiya Mərkəzinin pasiyenti intihar etdi
Bu gün Azərbaycan Respublikası Səhiyyə Nazirliyi Milli Hematologiya və Transfuziologiya Mərkəzində intihar hadisəsi baş verib.
Yenixeber.org: Mərkəzin pasiyentlərindən olan bir nəfər gənc qız özünü binanın 3-cü mərtəbəsindəki pəncərələrdən birindən atıb. Hadisə nəticəsində 20 yaşlı gənc qız dünyasını dəyişib. Bu saata qədər Hematologiya və Transfuziologiya Mərkəzinin səlahiyyətli nümayəndələri ilə əlaqə saxlamaq mümkün olmadığından, pasiyenti bu faciəvi addımı atmağa məcbur edən səbəblərə dair hələlik heç bir açıqlama verilmir.
Hadisə yerinə polis və prokurorluq əməkdaşları gəliblər. Məlum olub ki, G.Abbaslı onkoloji xəstəlikdən əziyyət çəkib və bir müddət imiş Milli Hematologiya və Transfuziologiya Mərkəzində müalicə alırmış.
Hadisə barədə ətraflı məlumatlar daha sonra təqdim olunacaq.
