Ukraynada genişmiqyaslı müharibə başlayandan bəri həlak olan və yaralanan rus hərbçilərinin sayı 200 minə yaxınlaşır.

“Yenixeber.org”  ru.slovoidilo.ua-ya istinadən məlumat verir ki, cəmi 11 aylıq münaqişədə bu itkilər amerikalıların Əfqanıstandakı müharibənin iki onilliyindəki itkilərindən səkkiz dəfə çoxdur.

Bu işğalın Vladimir Putin üçün nə qədər pis getdiyinin əyani sübutudur.

Bu barədə Amerika və digər Qərb rəsmilərinə istinadən “The New York Times” qəzeti də yazır. Zərər təxmini peyk görüntüləri, mesajların tutulması, sosial media və yerli media hesabatları və rəsmi məlumatlara əsaslanır.

Rəsmilər deyirlər ki, Rusiya ölən və yaralıların sayını az göstərdiyi üçün əsl itkiləri təxmin etmək çətindir.

Baxmut uğrunda döyüşlər zamanı hər gün yüzlərlə əsgər ölür və ya yaralanır. ABŞ-ın yüksək rütbəli hərbi rəsmisi Baxmut yaxınlığında gedən döyüşləri “qəddar” adlandırıb. Xüsusilə, Wagner PMC oraya cəlb edilmiş məhbuslardan şikar kimi istifadə edir. Onların minlərlə adamı artıq öldürülüb və bu, ABŞ rəsmilərini şoka salıb. Qəzet qeyd edir ki, Baxmutun strateji dəyəri sadəcə Rusiyanın ödədiyi qiymətə uyğun gəlmir.

İtkilərlə bağlı son ictimai hesablamanı ABŞ noyabr ayında verib: Birləşmiş Qərargah Rəisləri Komitəsinin sədri general Mark Milley müharibə başlayandan bəri 100 mindən çox rus hərbçisinin həlak olduğunu və ya yaralandığını bildirib.

 Tərcümə etdi: Səadət Sultan