Rusiya müdafiə sənayesi kifayət qədər silah istehsal edə bilmir və ya sanksiyalar səbəbindən döyüşlər zamanı məhv edilənləri əvəz edə bilmir.

Yenixeber.org”  tsn.ua-ya istinadən məlumat verir ki, Rusiyanın etibarlı silah ixracatçısı kimi rolu onun Ukraynaya müdaxiləsi və beynəlxalq sanksiyaların tətbiqi ilə zəiflədi.

Bu barədə Böyük Britaniyanın Müdafiə Nazirliyi məlumat yayıb.

Onların fikrincə, Rusiyanın beynəlxalq silah bazarında payı işğaldan əvvəl də azalırdı. İndi ziddiyyətli tələblərlə üzləşən Rusiya, demək olar ki, ixrac tərəfdaşlarını təchiz etməkdənsə, Ukraynaya öz yeni istehsal etdiyi silahların yerləşdirilməsinə üstünlük verəcək.

Həmçinin, komponentlərin çatışmazlığı ixrac üçün zirehli texnika, hücum helikopterləri və hava hücumundan müdafiə sistemləri kimi avadanlıqların istehsalına təsir göstərir.

SIPRI-nin məlumatlarına görə, Rusiyanın qlobal silah ixracı bazarındakı payı əvvəlki dörd illik dövrlə müqayisədə 5% azalaraq 19%-ə düşüb. Onun ixracı da əsasən Hindistan və Vyetnamdan tələbin azalması səbəbindən təxminən dörddə biri azalıb.

İndoneziya keçən il 11 Rusiya qırıcısı sifarişini ləğv edərək, təyyarələri ABŞ və Fransadan alıb.

Hərbi Hüquq Tədqiqatları Mərkəzinin rəhbəri Aleksandr Musienko bildirib ki, Rusiya hələ də yeni texnika istehsal edə bilər, lakin daha az miqdarda və modernləşdirilməyən formada.

Tərcümə etdi: Səadət Sultan