Ölkənin Energetika Nazirliyi bildirib ki, Rusiya qış və soyuqdan dinc əhaliyə qarşı silah kimi istifadə edir.  

“Yenixeber.org” unian.net-ə istinadən məlumat verir ki,  İsveç Ukraynanın enerji təchizatının bərpasına kömək edə bilmək üçün avadanlıq və materialları  verə bilər. Məsələ ilə bağlı İsveç elektrik şəbəkəsi məlumat verib.

İsveç hökuməti bildirib ki, Rusiya qış və soyuqdan dinc əhaliyə qarşı silah kimi istifadə edir və Ukraynanın elektrik sənayesini sıradan çıxarmağa çalışır.

"Keçmişdə hökumət hava hücumundan müdafiəyə yönəlmiş dəstək paketi təqdim edib ki, bu da Ukraynanın hücumlardan, məsələn, enerji sisteminə qarşı müdafiə qabiliyyətini gücləndirir. Hazırkı dəstək elektrik enerjisi sisteminin yenidən qurulmasına töhfə verir. Bu dəstək cəmiyyətin müdafiəsini təmin edir”, - deyə Energetika və Sənaye naziri Ebba Buş bildirib.

İndi İsveçin enerji sənayesinin bir neçə sözçüsü Ukraynada faydalı olacaq elektrik şəbəkələrinin bərpası üçün material təqdim etməyə hazır olduqlarını bəyan ediblər. Belə firmalardan biri, “Svenska kraftnät” Ukraynada faydalı ola biləcək materiallar haqqında hökumətə məktub göndərib.

UNIAN-nın məlumatında deyilir: “Ukraynanın enerji sistemi artıq rus işğalçılarının 12 raket hücumundan və enerji obyektlərinə 14 İHA-nın zərbəsindən xilas olub. İndi əsas quraşdırılmış güclərin 10 GVt-dan çoxu hələ Ukraynanın enerji sistemi üçün mövcud deyil və düşmənin nəzarəti altındadır. Bunlar Ukraynada və Avropada ən böyük Zaporojye AES, Zaporojye İES, Luqansk İES, Uqleqorsk İES, Kaxovskaya SES-dir”.

UNİAN daha əvvəl xəbər verdiyi kimi, Rusiya son üç ayda DTEK obyektlərinə raketlər və dronlarla 170 dəfə hücum edib.

Yanvarın 18-də məlum olub ki, ABŞ prezidenti Co Baydenin administrasiyası Rusiyanın zərbələrindən sonra Ukraynaya enerji infrastrukturu obyektlərinin təmirinin öhdəsindən gəlməyə kömək edəcək elektrik komponentləri və digər materiallar üçün 125 milyon dollar ayıracaq.