Hazırda bir neçə beynəlxalq qrup yardım məqsədilə Əfqanıstana qayıtdıqlarını bəyan ediblər.

Yenixeber.org” vot-tak.tv-yə istinadən məlumat verir ki, CARE, Save the Children və Beynəlxalq Xilasetmə Komitəsi (IRC) deyir ki, onlar Taliban rəsmilərindən işçilərin öz vəzifələrini yerinə yetirməsinə icazə veriləcəyinə dair zəmanət alıblar.

1996-cı ildən 2001-ci ilə qədər hakimiyyətdə olduğu ilk dövrdə tətbiq etdiyi qəddar hökmranlıqdan əl çəkəcəyini vəd etməsinə baxmayaraq, Taliban 2021-ci ilin avqustunda ölkəyə nəzarəti bərpa etdikdən sonra qadınların azadlıqlarını məhdudlaşdırmaq üçün addımlar atıb.

Ötən ay Taliban dövlət və özəl universitetləri qapılarını qadınların üzünə bağlamağı əmr etmişdi.

Bir neçə gün sonra ölkə hökmdarları bütün yerli və beynəlxalq qeyri-hökumət təşkilatlarına (QHT) qadın işçiləri işə götürməyi qadağan edib.

Save The Children "qadın işçilərin tam və təhlükəsiz qaydada işə qayıtması üçün etibarlı təminatların verildiyini"  və bəzi fəaliyyətlərini bərpa etdiyini ilk dəfə elan etdi.