AZ
RU
Yenixeber.org: Bunu Türkiyə Prezidenti Rəcəb Tayyib Ərdoğan Azərbaycan, Türkiyə və Türkmənistan Dövlət Başçılarının Birinci Üçtərəfli Zirvə Görüşündə deyib. Onun sözlərinə görə, hədəf regional və beynəlxalq imkanları rifah naminə dəyərləndirməkdir: "Bu gün keçirilən üçlü zirvədə imzalayacağımız sənədlər birliyimizi daha da gücləndirəcək".
O qeyd edib ki, Avropa başda olmaqla bütün dünya üçün enerji təhlükəsizliyinin vacibliyi bir daha önə çıxıb: "Türkmənistan təbii qazının qərbə nəql edilməsinə artıq başlamalıyıq. Türkmənistan və Azərbaycandan Türkiyəyə elektrik enerjisi nəqli mövzusunda da işləməyə hazırıq".
Ərdoğan:"Üçlü zirvədə imzalayacağımız sənədlər birliyimizi daha da gücləndirəcək"
"Azərbaycanın 30 il ərzində işğal altında olan torpaqlarının azad olunması görülən işlərin uğurlu olduğunun sübutudur. Əl-ələ verdiyimiz, həmrəy olduğumuz hər məsələdə uğurlu olacağımıza əminəm. Bunun ən son nümunəsi Qarabağın 30 illik işğalına son qoyan Vətən müharibəsidir. Türk Dövlətləri Təşkilatı bu baxımdan son dərəcə önəmlidir".
