Alı Alıyev Arayatılı kəndində növbəti səyyar qəbul keçirib.

Yenixeber.org:  Prezident cənab İlham Əliyevin əhalinin problemlərinin yerində öyrənilməsi, həll edilməsi, vətəndaş-məmur münasibətlərində şəffaflığın təmin edilməsi barədə tapşırıqları Füzuli rayonunda daim diqqət mərkəzində saxlanılır. Ölkə başçısının tapşırığına əsasən Füzuli rayon İcra Hakimiyyətinin başçısı Alı Alıyev mütəmadi olaraq vətəndaşlarla görüşür, onların problemlərini dinləyir, təklif və qayğıları ilə maraqlanır. Alı Alıyevin növbəti səyyar qəbul-görüşü Arayatılı kəndində keçirilib.

Səyar qəbulda rayonun idarə, müəssisə və təşkilatları,  ictimaiyyət nümayəndələri iştirak edib.

Səyyar qəbulda çıxış edən Alı Alıyev bildirib ki, 1018 nəfər əhalinin yaşadığı Arayatılı kəndinin işıq, su, qaz, yol ilə bağlı sosial problemləri tam həll olunub, əhali məcburi köçkünlər üçün qanunvericilikdə nəzərdə tutlan bütün imtiyazlardan istifadə edirlər. Kənd sakinlərindən məcburi köçkün statusu olan 1018 nəfərə hər ay 50400 manat vahid aylıq müavinət ödənilir, 5 ailəyə ünvanlı sosial yardım təyin edilib, 1 ailə isə özünüməşğulluq proqramına cəlb olunub. Arayatılı kəndində 5 şəhid ailəsi, 4  Qarabağ müharibəsi əlili vardır. Kənd sakinlərindən 185 nəfərə müxtəlif növ pensiya və müavinət verilir. Kənd sakinlərindən 205 nəfər müxtəlif idarə, müəssisə və təşkilatlarda işləyirlər.
Kənddə məktəb, uşaq bağçası, tibb məntəqəsi, mədəniyyət evi, kitabxana fəaliyyət göstərir, torpaq islahatı aparılıb, hər bir kənd sakini pay torpağı ilə təmin olunub.
2018-2019-cu təsərrüfat ilində 180 ha taxıl, 62 ha pambıq əkilib, 1772 kq barama istehsal olunub.

Alı Alıyev bildirib ki, hazırda Arayatılı kəndində Heydər Əliyev Fondu tərəfindən ən müasir standartlara cavab verən körpələr evi-uşaq bağçası tikilir. İlin sonuna kimi bağça azyaşlıların istifadəsinə veriləcəkdir.

Səyyar qəbulda rayonun xidmət təşkilatlarının gördükləri işlərə dair hesabatları dinlənilib.

Ayrı-ayrı sahələrə dair kənd sakinləri tərəfindən irəli sürülən müraciət, təklif və şikayətlər rayon İcra Hakimiyyəti başçısının göstərişi ilə yerindəcə həll edilib, digərləri isə həll edilməsi üçün nəzarətə götürülüb.

Səyyar qəbul zamanı çıxış edən kənd sakinləri göstərilən diqqət və qayğıya görə ölkə başçısına minnətdarlıqlarını bildiriblər.