AZ
RU
Yenixeber.org: Türkiyənin məşhur qidalanma və pəhriz mütəxəssisi Merve Bayram bu xəstəliyin müalicəsinin olmadığını vurğulayıb.
O bildirib ki, yeganə müalicə pəhriz və fiziki aktivliyi artıraraq həyat tərzini dəyişməkdir.
Həkim xüsusilə bir meyvənin qaraciyər piylənməsinin təbii müalicəsində mühüm rol oynadığına diqqət çəkib:
“Yüksək miqdarda antioksidant ehtiva edən zoğal ilə apardığımız 8 həftəlik araşdırma nəticəsində məlum oldu ki, bu meyvənin istehlakı bədən çəkisini, bədən yağ nisbətini və bel ətrafındakı yağları azaldır”.
Zoğal tibbdə müxtəlif xəstəliklərin qarşısının alınması və müalicəsi üçün istifadə olunur. Soyuqdəymə, qrip və sidik yolu infeksiyaları, ishal, qəbizlik, mədə-bağırsaq xəstəlikləri, öskürək, bronxit və şəkər xəstəliyində bu meyvədən geniş istifadə edildiyini bildirən M.Bayram zoğalın meyvəyə qırmızı rəng verən antosiyaninlərlə çox zəngin olduğunu ifadə edib. O əlavə edib ki, antosiyaninlər təbiətdə ən yüksək antioksidant tutumlu birləşmələrdir.
