2018-ci ildə hakimiyyət dəyişikliyindən sonra Ermənistanda gündən-günə getdikcə daha çox “bədii” çalarlar qazanan maraqlı bir qanunauyğunluq müşahidə edilir.

Yenixeber.org: Bu haqda məlumat Ermənistanın “Past” qəzetində yer alıb.

Nəşr yazır ki, hansısa bir qüvvə və ya fəal “pis” davrananda (yəni hansısa dövlət məmurunun ayağını tapdalayanda) birdən-birə qəribə “təsadüf” nəticəsində bu fəalda və ya bu qüvvədə bəzi problemlər ortaya çıxır.

Həmin dəqiqə belə bir informasiya yayılır ki, onun 1000 dram miqdarında vergi öhdəlikləri var, digərinin fəaliyyətlə bağlı sənədində uyğunsuzluq üzə çıxır, üçüncüsündə isə Milli Təhlükəsizlik Xidmətində səmimi söhbət etmək üçün sarsılmaz bir istək yaranır və s.

Ən az problem isə hakim komandanın sıralarından çıxarkən sakitcə qapını bağlayanda və baş verənlərə qarşı loyal mövqe nümayiş etdirəndə yaranır.

“Təbii ki, bütün bunlar bir növ informasiya terroru ilə müşayiət olunur. Dünyadakı bütün günahlar onun boynuna yıxılır və yaxud ondan yeni” düşmən” və “vətən xaini” yaradılır. Tezliklə belə etiketlərin əhalinin əksəriyyətinin boynundan asılacağı təəssüratı yaranır … ”- qəzet yazır.