Xankəndindəki qondarma quruma “rəhbərlik” uğrunda savaş getdikcə qızışmaqda davam edir. 

Yenixeber.org: Bu savaşda separatçıların hazırkı başçısı Araik Arutunyana qarşı cəbhə açan əsas fiqur Rusiyanın Xankəndindəki emissarı Ruben Vardanyandır. Artıq qarşıdurma açıq müstəviyə keçivb və prosesə rəsmi İrəvandakı Paşinyan hökuməti də qarışmağa başlayıb.

 Ermənistan parlamentinin Müdafə və təhlükəsizlik komissiyasının başçısı, hakim partiyanın deputatı Andranik Koçaryan qondarma qurumdakı proseslərin qızışdırılmasında açıq şəkildə Ruben Vardanyanı ittiham edib: “Qarabağda 8 nəfər var ki, “seçilmiş prezident”i nələrəsə məcbur edirlər. Onlardan biri Ruben Vardanyandır. Vardanyan kimi təmsil edir? Onun fəaliyyəti anlaşılan deyil. Bəs digər yeddi nəfər kimdir? Kimdir “artsax”-ın “prezidenti”ni istefaya məcbur edənlər? Mən bilirəm və bu məlumat elan olunmalıdır. Hamı bilməlidir ki, “artsax”dakı qeyri-stabilliyi Ermənistana keçirmək istəyən bu “Troya atları” kimlərdir”.(azpolitika)