Yenixeber.org: Bunu tanınmış rusiyalı jurnalist, sənədli filmlər rejissoru, Rusiya Dövlət Dumasının keçmiş deputatı Aleksandr Nevzorov deyib.

Nevzorov son çıxışında bildirib ki, Azərbaycan xüsusilə Putin Rusiyası ilə necə münasibətlər qurulmalı olduğuna dair çox uğurlu nümunədir: “Azərbaycan uzun müddət Putinlə “üskük oyunu” oynayıb. Putin “üskük oyunçusu” kimi Qarabağı gah bir, gah digər tərəfə təklif edir və bunu zirəklik və sədaqətə görə mükafat kimi təqdim edirdi, lakin vermirdi. Azərbaycan bu oyunu sındırdı və “üskük oyunçusu”nun keçəlinə tüpürə bildi, həmçinin, artıq Ukrynanı pulla, generatorlarla və digər bir çox şeylərlə açıq dəstəkləməyə başladı...”

Nevzorov deyib ki, onun Azərbaycan mövzusuna bu cür xüsusi diqqət yetirməsi təsadüfi deyil: “Azərbaycanın bu seçimi olduqca vacib məqamdır. Bu, o deməkdir ki, bütün sivil dünya Rusiyanın cazibə qüvvəsini yenə bilib... Ukraynalılar məndən azərbaycanlılara generatorlara və başqa yardıma görə böyük təşəkkür çatdırmağımı xahiş ediblər”.