Yenixeber.org: Bu haqda “Politico” dərgisində yayılan məqalədə bildirilir.

İyulda Nümayəndələr Palatasının spikeri Nensi Pelosi Dövlət katibi Entoni Blinkenə deyib ki, əgər o, Rusiyanı terrorçuluq siyahısına salmasa, onda bunu Konqres edəcək. O vaxtdan Senat yekdilliklə qəbul etdiyi qətnamədə Blinkeni bunu həyata keçirməyə çağırıb. Daha sonra palatada hazırlanmış qanun layihəsində Rusiyanın Blinkendən yan keçərək rəsmən bu siyahıya salınması nəzərdə tutulub.

İndiyədək Departament rəsmiləri palatanın addımıyla bağlı açıq bir söz deməyib. Ancaq israrla bildiriblər ki, yekun qərarı Blinken verməlidir. Onların mövqeyincə, ABŞ-ın Rusiyaya tətbiq etdiyi sanksiyalar və ixrac qadağaları elə layihədə nəzərdə tutulana bərabərdir.

Məsələdən agah çoxsaylı mənbələr dərgiyə deyiblər ki, son günlər Departament rəsmiləri Konqresdəki idarələrə sözügedən qanunvericiliklə ciddi problemlərin olduğunu deyirlər.

Bir məsələ də var ki, qanunu administrasiya dəstəkləməsə, palatanı xarici işlər komitəsində müzakirəyə çıxarılması alınmayacaq.

Kiyev və bir sıra Qərb ölkələri Vaşinqtonu Rusiyanın Ukraynanı işğal etməsindən dolayı onu terrorçuluğu dəstəkləyən ölkələr siyahısına salmağa çağırırlar.

İndiyədək bu siyahıya Şimali Koreya, Suriya, Kuba və İran salınıb. Siyahıdakı ölkələrə sərt sanksiyalar tətbiq olunur, ABŞ amerikalıların həmin ölkələrdə biznes aparmasını qadağan edir. Sanksiyalar nüvə materialları üzrə əməkdaşlığa da təsir göstərir.