ABŞ Mərkəzi Kəşfiyyat İdarəsinin (MKİ) ən azı bir əməkdaşı1990-cı illərin əvvəllərində Rusiya hökumətinin məsləhətçiləri arasında idi.
Yenixeber.org: ”TASS” xəbər verir ki, bunu Rusiya prezidenti Vladimir Putin “Rossiya-1” telekanalında fraqmenti nümayiş etdirilən “Rusiya. Yeni tarix” filminə müsahibəsində deyib:
“Bu məsləhətçilər arasında biri, şübhəsiz ki, öz ölkəsinin qanunlarına uyğun olaraq kommersiya fəaliyyəti ilə məşğul olmaq hüququ olmayan MKİ əməkdaşı idi”.
Prezidentin sözlərinə görə, iş sonda ABŞ-da məhkəməyə verilib və bu zaman məlum olub ki, həmin şəxs MKİ-nin əməkdaşıdır.
Qeyd edək ki, Putin dekabrın 9-da Vətəndaş Cəmiyyətinin İnkişafı və İnsan Haqları Şurası ilə görüşdə də 1990-cı illərdə Rusiya hökumətinin əməkdaşları arasında MKİ nümayəndələri ilə bağlı analoji misal çəkib. Onun sözlərinə görə, bu, Rusiya Federasiyasının işlərinə qarışmaq cəhdlərinin yalnız bir nümunəsidir. Prezident daha sonra əlavə edib ki, o, 2000-ci illərin əvvəllərində “orada artıq hamını təmizləyib”.