AZ
RU
Qarabağdakı Rusiya sülhməramlı qüvvələrinin komandanının yenidən dəyişdiriləcəyi ilə bağlı xəbərlər yayılıb. Belə ki, Rusiya sülhməramlılarına yaxın dairələrə istinadən yayılan xəbərlərdə bir müddət öncə bu vəzifəyə gətirilən Mixail Kosobokovun general-leytenant Gennadi Anaşkinlə əvəz ediləcəyi bildirilib.
Yenixeber.org: Yayılan xəbəri şərh edən Bakı Politoloqlar Klubunun rəhbəri Zaur Məmmədov bildirib ki, Kosobokovun Qarabağa gəlməsinə Bakı razı deyildi: “Bunun nəticəsi idi ki, Kosobokov Azərbaycanda yalnız formal olaraq bir neçə gün sonra və çox sönük qəbul edilmişdi. Çox güman ki, sülhməramlıların başçısı məhz Bakının tələbi əsasında dəyişdi”.
Politoloq əlavə edib ki, Bakı və Moskva arasında Kosobokovun dəyişdirilməsi, silah sazişi və Qarabağla bağlı müddətli anlaşma əldə edilib. Sözsüz ki, baş verənlər Bakının diplomatik uğurudur.
