Ukraynalı tanınmış diplomat, Ukrayna Xarici İşlər Nazirliyi nəzdində Gennadi Udovenko adına Diplomatik Akademiyanın direktoru Gennadi Nadolenko Ermənistanın Azərbaycanla sərhədlərin delimitasiyası və demarkasiyası məsələsini gecikdirməsi ilə bağlı danışıb.

Yenixeber.org: O, Ermənistan tərəfinin 1920-ci illərin bəzi erməni xəritələrinə istinad edilməsini əsas gətirməsinə də münasibət bildirib:

“Ümumiyyətlə eramızdan əvvəl I əsrə aid bəzi xəritələr tapmaq olar? (gülümsəyir- red.). Bu məsələ bizim Krımla bağlı vəziyyətimizə oxşayır.

Qeyd etmək istərdim ki, 1991-ci ildə “Müstəqil Dövlətlər Birliyinin yaradılması haqqında Saziş” qəbul edilib (Ermənistanın da imzaladığı mətndə ölkələrin bir-birinin ərazi bütövlüyünün tanınması və ona hörmət edilməsi və mövcud sərhədlərin toxunulmazlığı qeyd edilir - red.).

Hamı “Çar Qorox”dan başlayaraq sərhədlərə yenidən baxmağa israr edərsə, onda hara gedib çıxarıq? Bu, sülhü qorumaq üçün hazırlanmış beynəlxalq hüquq normalarının tamamilə pozulmasıdır.

Bax, Rusiya bizim müqavilələrimizi yenidən nəzərdən keçirməyə çalışır, lakin onlar imzalanıb. Keçmiş SSRİ-nin bütün ölkələri 1991-ci il sərhədləri daxilində qalmalıdır”.

Ukraynalı diplomat bunun üçün beynəlxalq icra mexanizmlərinin olub-olmaması ilə bağlı suala da aydınlıq gətirib:

“Bu məsələ BMT tərəfindən tənzimlənir. Ancaq təəssüf ki, Birləşmiş Millətlər yalnız qətnamələr verə bilər. Beynəlxalq məcburetmə mexanizmindən kiminsə istifadə etməsi ehtimalı azdır”.

Nadolenko İlham Əliyevin “BMT qətnamələrinə uyğun hərəkət etmişik və onları özümüz yerinə yetirmişik” fikrini də xatırladıb:

“Azərbaycan Prezidenti İlham Əliyev bu barədə deyib. O, qalibdir, qalib isə həmişə haqlıdır və mən onunla razıyam.

Azərbaycan öz işini gördü və etiraf etməliyik - siz rəqibinizi üstələdiniz. Həm də, bu maraqlı idi”.