Neft bazarının mühüm konfranslarından birinə ev sahibliyi edən Norveçdə toplaşan şirkət rəhbərləri, sektora dair fikirlərini bildiriblər.

Xeberinfo.com:  Sektorun öndə gələn adlarına görə, neft bazarında, ötən iki il ərzində uzun illərdən bu yana görülən ən sərt ucuzlaşmanın ardından, qısa və orta müddətdə volatillik(dəyişkənlik, qeyri-sabitlik) davam edəcək.

ConocoPhillips-ın İcraçı Direktoru Ryan Lance, “Volatillik qalmaqda davam edəcək. Bazarın tarazlanması 2017-ci ilə qədər davam edəcək. Ehtiyat səviyyələri hələ də çox yüksəkdir” deyib.

Neft qiymətlərinin “ayı” bazarına girməsindən qısa bir müddət sonra 18 Avqustda “öküz” bazarına daxil olması ilə, sektor “tətikdə” qalmağa davam edəcək.

Neft qiymətləri, OPEC ölkələrinin və digər istehsalçıların hasilat miqdarının dondurulması məsələsində gələn aykı iclasda razılığa gələ biləcəkləri barədə açıqlamaların təsiri ilə, ötən dörd həftə ərzində 19 faiz yüksəlib.

Wintershall AG-nin Avropa və Orta Şərq araşdırma və istehsal vahidinin meneceri Martin Bachmann, “sadə ifadə etmək lazım gələrsə, ancaq bircə söz “volatillik”. Tarazlanma olacaq. Nə vaxt olacağı isə əsas sualdır” şəklində fikir bildirib.

(marja)