Kənd Təsərrüfatı Nazirliyindən AzadlıqRadiosuna deyiblər ki, Saatlıdakı pambıq sahələri MKT şirkətinə, İmişlidəki sahə isə MKT-nin İnnovasiya Mərkəzinə məxsusdur.

Yenixeber.org: Radionun 2017-ci ildə hazırladığı “Gilan pambıq biznesini nəzarətə götürür” başlıqlı araşdırmasına görə, MKT şirkəti “Gilan Holding”-ə məxsusdur.

Amma şirkətin özü ilə əlaqə saxlayıb baş verənlərə dair onların şərhlərini almaq mümkün olmayıb.

“Gilan Holding”in fövqəladə hallar naziri Kəmaləddin Heydərovun biznes imperiyasına aid olduğu heç kəsə sirr deyil.

Holdinq pambıq tədarükü və emalı, eləcə də tekstil sənayesi ilə məşğul olan «MKT İstehsal Kommersiya» MMC-nin təsisçilərindəndir. Bu şirkət isə ölkədəki 14 pambıqtəmizləmə zavoduna nəzarət edir.

Bir neçə pambıqtəmizləmə zavoduna sahib olan «Azərcot» və «CTS-Agro» şirkətləri də 2015-ci ildən onun nəzarət dairəsinə daxil olub

Nazirliyin şöbə müdiri İmran Cümşüdov Azadlıq Radiosuna bildirib ki, Saatlı və Tərtərdə “Formula super” adında, İmişlidə isə sofkalara qarşı “Karovan” adında preparatlar istifadə olunub.

Zəhərlənmə hadisəsi baş vermiş Saatlı və İmişlidəki torpaq sahələrinin sahibi MKT şirkətinin veb saytı yoxdur, internetdəki telefon nömrələri isə bir neçə gündür ki, cavab vermir.AzEuroNews.com