Yenixeber.org: Erməni mediası xəbər verir ki, bunu 18 sentyabrda jurnalistlərlə söhbətində Ermənistanın baş naziri Nikol Paşinyan bildirib.

O, Avropa İnsan Haqları Məhkəməsinin son qərarının hüquq-mühafizə orqanları üçün yeni impuls olacağına ümid etdiyini vurğulayıb. Paşinyanın sözlərinə görə, bu qərar istintaqın uzanma limitini anlamaq üçün legitim əsas yaradır. Baş nazir günahkar hesab etdiyi şəxslərin hazırda məhkəmə qarşısında olduğunu deyib və “hökm olmaması” probleminin də məhz bundan qaynaqlandığını bildirib.

Paşinyan 24 il ərzində daim nəzarət altında yaşadığını, penitensiar müəssisədə saxlanıldığını və evinin dəfələrlə axtarıldığını xatırladıb.

“Məni agent adlandırmaq cəfəngiyyatdır”, – deyə baş nazir bəyan edib.

Onun sözlərinə görə, bu iddialar hakimiyyəti gözdən salmaq məqsədi daşıyır: “Əgər belə məlumatlar olsaydı, ən azı inqilab zamanı, hakimiyyət dağılarkən yayımlanardı. İndi divan altına girib oradan siqnallar göndərirlər, ümid edirlər ki, bu, onlara çıxış yolu açacaq? Yox, onların yeri divan altıdır və başqa cür olmayacaq”.

Baş nazir əlavə edib ki, korrupsiya ilə bağlı hər hansı faktların araşdırılmaması istisna edilə bilməz. “Podaezdlərdə döyülmələr məsələsinə gəlincə, kiminsə məsuliyyətdən yayınması mümkünsüzdür”, – deyə o qeyd edib. Paşinyan bu mövzunu gündəmə gətirənlərin məqsədini hökumətin diqqətini yayındırmaq kimi dəyərləndirib.

Baş nazirin sözlərinə görə, inqilabdan sonrakı dövrdən 2024-cü ilin aprel ayına qədər Ermənistanda 53 min ailə yeni tikilidə mənzil alıb ki, bu da əhalinin rifah səviyyəsinin artımının göstəricisidir.