SOCAR strukturuna daxil olan idarə və müəssisələrdə ölkə qanunvericiliyinə zidd olan imtahanlar vasitəsilə işçilərin sayını azaltmağa cəhd edilir. Bu tamamilə qanun pozuntusudur.

Yenixeber.org: Bu barədə məlumatı Neftçilərin Hüquqlarının Müdafiəsi Təşkilatının sədri, hüquq müdafiəçisi Mirvari Qəhrəmanlı paylaşıb. O bildirib ki, tamamilə qanunsuz olan bu imtahanlarla işçilərin sayını azaldırlar:

“İşçilərin peşəkarlıq səviyyəsinin yoxlanılması, ixtisasına, sənətinə, tutduğu vəzifəyə (peşəyə) uyğun olması yalnız Əmək Məcəlləsində nəzərdə tutulan qaydada attestasiyadan keçirilmə və əmək vəzifələrinin yerinə yetirilməsi ilə əlaqədar illik qiymətləndirmə əsasında müəyyən edilə bilər. Əmək münasibətləri dövründə işçilərin peşəkarlığının digər vasitələrlə, o cümlədən, hər-hansı bir imtahan, test, müsahibə və sair vasitələrlə müəyyən edilməsi, bu əsaslarla işdə saxlanılması, başqa işə keçirilməsi və ya əmək müqaviləsinin ləğv edilməsi Əmək Məcəlləsinin tələblərinin pozulmasıdır”.