AZ
RU
Elman Paşayevə qarşı yeni İTTİHAM
Azərbaycanlı sabiq vəkil Elman Paşayevə qarşı yeni ittiham irəli sürülüb.
Yenixeber.org: Bu barədə "Kommersant" qəzeti məlumat yayıb.
Hüquqşünasa qarşı açılan yeni cinayət işi pilotsuz uçuş aparatlarının uğursuz satışı ilə bağlı ola bilər.
Hüquq-mühafizə orqanlarının məlumatına görə, keçmiş vəkil təyyarəni satacağına söz verərək pul alıb, lakin öhdəliklərini yerinə yetirməyib.
Qeyd edək ki, Moskvanın hərbi məhkəməsi Elman Paşayevin həbs müddətini martın 15-dək uzadıb.
Elman Paşayev ötən il sentyabrın 18-də saxlanılıb. Rusiya İstintaq Komitəsi onun blogerlər Aleksey və Yelena Blinovskilərə qarşı 46 milyon rubl dəyərində dələduzluq etməkdə şübhəli bilindiyini açıqlayıb.
Oktyabrın 2-də İkinci Qərb Rayon Hərbi Məhkəməsi külli miqdarda dələduzluq işi üzrə keçmiş vəkilin həbsinə dair qərarı qüvvədə saxlayıb və Paşayevin müdafiəçilərinin sentyabrın 23-də verdiyi apellyasiya şikayətini təmin etməyib.
