AZ
RU
Şərqi Azərbaycan əyalətinin Vərziğan bölgəsinin İran parlamentindəki nümayəndəsi Allahverdi Dehqani “Süngün” mis mədəni ilə bağlı çıxış edib.
Yenixeber.org: O, mədəndən çıxarılan konsentratların Kirman əyalətinə daşındığını bildirib.
A.Dehqani qeyd edib ki, Təbrizin “Traxtur” və “Maşinsazi” futbol klublarının “Süngün” mis mədəni şirkətinin mülkiyyətinə verilməsindən sonra bunun qarşılığında əyalətə heç bir vəsait ödənilmir.
Xatırladaq ki, “Süngün” Şərqi Azərbaycan əyalətinin ən böyük mədənlərindən biridir. Bir müddət əvvəl mədən işçiləri maaşların azlığı, təhlükəsizlik qaydalarına düzgün əməl edilməməsi və irqi ayrı-seçkiliyə görə etiraz aksiyaları keçirmişdilər.(Təbriz Turan TV)
