Parlament jurnalistləri binanın daxilində onların hərəkətlərinə qoyulan məhdudiyyətlərə qarşı etiraz aksiyası keçiriblər.
Yenixeber.org: Bu haqda informasiyanı “armeniasputnik.am” saytı yayıb.
Xüsusilə, Baş nazir Nikol Paşinyanın çıxışı zamanı jurnalist lojalarının şüşələrinə "Media hələ də Nikolun dövründə olduğu kimi azad deyildi", "Nikol, sən artıq jurnalist deyilsən" yazılmış plakatlar yapışdırıblar.
Bir neçə təhlükəsizlik zabiti jurnalistlərin hərəkətlərinin qarşısını almaq üçün plakatların çıxarılmasını tələb ediblər, jurnalistlər isə onları əllərinə alaraq Paşinyanla görüş istəyiblər.
"Joxovurd" qəzetinin jurnalisti Sona Qriqoryan "Paşinyanın diqqətini cəlb etməyə çalışırıq ki, şəxsən gəlib suallarımıza cavab versin. Bura bizim iş yerimizdir və təhlükəsizlik işçiləri bizi buradan qova bilməzlər" deyib.
Öz növbəsində, "Qraparak" qəzetinin müxbiri Vaqe Makaryan əlavə edib ki, parlamentin spikeri ilə görüş heç bir nəticə verə bilməz, çünki ölkədə hər şey bir nəfər - Paşinyan tərəfindən idarə olunur.
"Şərəfim var" blokunun deputatı, insan haqları daimi komissiyasının rəhbəri Taguhi Tovmasyan media nümayəndələri ilə bu mövzuda dinləmələr təşkil etmək niyyətini açıqlayaraq jurnalistlərə yaxınlaşıb.
"İnzibati məhkəməyə müraciət edəcəyik, yoxsa başqa yol seçəcəyik?” deyə xanım deputat deyib.
Jurnalistlərə "Hayastan" bloku tərəfindən də dəstək verilib, xüsusən də keçmiş jurnalist olan deputat Qexam Manukyan sosial şəbəkədə bir yazı yayımlayıb.
“Jurnalistlər hüquqlarını qorumaq üçün etiraz aksiyası keçiriblər”, deyə o yazıb.