AZ
RU
Ermənistan parlamentində qalmaqal-İclas dayandırıldı
Ermənistanda yeni parlamentin ilk iclas günündə dava düşüb.
Yenixeber.org: Erməni mətbuatı xəbər verir ki, mübahisəyə səbəb “Hayastan” blokunun həbsdə olan üzvləri Mkitar Zakaryan və Artur Sarkisyanın məsələsi olub.
Blokun nümayəndələri qeyd ediblər ki, adıçəkilən iki deputat olmadan parlament rəhbərliyi seçilə bilməz. Bundan əlavə, qanunverici orqanın qərarı olmadan deputatların həbsinin qanunazidd olduğu diqqətə çatdırılıb.
Digər müxalifətçi Artur Vanetsyanın rəhbərlik etdiyi “Mənim şərəfim var” bloku da “Hayastan” deputatlarının tələblərinə öz dəstəklərini nümayiş etdiriblər.
Qeyd edək ki, müxalif deputatların etirazlarından sonra parlamentin iclasında 20 dəqiqəlik fasilə yaranıb.
