ABŞ federal məhkəməsi prezident Donald Trampın keçmiş müşaviri Rocer Stouna Twitter, Facebook və Instagram kimi sosial şəbəkələrdən istifadə etməyi yasaqlayıb.

Yenixeber.org:  Buna əsas səbəb istintaqın xəbərdarlıqlarına rəğmən R.Stounun ona yönəlik ittihamların hər bir aspektini ictimaiyyət önündə müzakirəyə açması olub.

“The Wall Street Journal” qəzetinin xəbərinə əsaəsn, dairə məhkəməsinin hakimi Emi Berman Cekson keçmiş müşavirin məhkəmə prosesinə qədər istintaq təcridxanasına göndərilməməklə bağlı şərtləri pozduğu qənaətinə gəlib. Hakim təqsirləndirilən şəxsi girov müqabilində azad etmək qərarını dəyişməsə də, gələcəkdə bu halı da istisna etməyib.

Qeyd olunur ki, Donald Trampın keçmiş müşaviri “İnstagram”dakı şəxsi hesabında hakim Ceksonu nişangah hədəfi fonunda məhkəmədə ifadə verdiyi şəkli nümayiş etdirdiyi üçün belə bir cəzaya məruz qalıb.

CNN telekanalına müsahibəsində R. Stoun bütün günahı “könüllü köməkçisi”nin üzərinə yıxaraq məhkəmə qarşısında üzr istəyib.

Rocer Stouna yönəlik əsas ittiham isə Donald Trampın Rusiya ilə əlaqələrini araşdıran xüsusi prokuror Robert Müllerin araşdırması ilə bağlıdır. İttiham tərəfi prezdentin yaxın ətrafında yer alan keçmiş müşaviri rusiyalı hakerlərin oğurladıqları və WikiLeaks təşkilatı tərəfindən yayılan materialları almaq cəhdində ittiham edir. Həmin materillar Donald Trampın seçkilərdəki əsas rəqibi Hillari Klintonun əleyhinə kompromatları özünə birləşdiribmiş.

Rocer Stounun buna görə bu ilin yanvarın 25-də Florida ştatının Ford-Loderdeyl şəhərində həbs edilib. Ona xarici pasportu təhvil vermək və məhkəmə prosesi başa çatana qədər ABŞ ərazisini tərk etmək qadağan olunub.