Yaponiya Şərqi Çin dənizindəki qazma qurğuları ilə bağlı Çinə etiraz edir

Yenixeber.org: Yaponiya hökuməti iki ölkənin eksklüziv iqtisadi zonalarının üst-üstə düşdüyü Şərqi Çin dənizindəki Çin qazma qurğularının fəaliyyətinə etiraz edib. Bu barədə AYNA.AZ xarici mediaya istinadən bildirir.

"Biz Çinə sərt etirazımızı bildirdik", - deyə Baş nazir Minoru Kixara Tokioda keçirilən mətbuat konfransında bildirib.

"Yaponiya tərəfinin çoxsaylı etirazlarına baxmayaraq, Çin bu işi davam etdirir", - deyə Baş nazir əlavə edib.

O Pekini ərazidəki təbii qaz yataqlarının birgə işlənməsi ilə bağlı 2008-ci il müqaviləsinə qayıtmağa çağırıb.

Daha əvvəl Yaponiya Sahil Mühafizəsi Şərqi Çin dənizindəki şərti demarkasiya xəttinin Çin tərəfində Çin mobil qazma qurğularının mövcudluğunu aşkar etdiyini bildirmişdi. Pekin bu demarkasiya xəttini rəsmi olaraq tanımır və onun Yaponiyaya daha yaxın, şərqə doğru daha da çəkilməli olduğuna inanır.

Xatırladaq ki, son dövrlər müxtəlif məsələlərlə bağlı ölkələr bir-birlərini ittiham etməkdədirlər ki, bu da siyasi gərginliyi atrtırır.