Növbəti anti-Rusiya məhdudiyyətlər paketi cümə və ya bazar ertəsi elan edilə bilər

Yenixeber.org: Avropa Komissiyası (AK) sentyabrın 19 və ya 22-də Rusiyaya qarşı yeni sanksiyalar paketi ilə bağlı rəsmi təklif təqdim edəcək. Bu barədə “Politico” nəşri diplomatlara istinadən məlumat yayıb.

Onların sözlərinə görə, AK bəyan edib ki, növbəti anti-Rusiya məhdudiyyətlər paketi cümə və ya bazar ertəsi elan edilə bilər.

Bununla belə, bir neçə məmur bunun daha əvvəl təqdim oluna biləcəyini qeyd edib.

Bundan əvvəl AK anti-Rusiya məhdudiyyətlərinin yeni mərhələsini gözlənildiyi kimi sentyabrın 17-də təqdim edə bilməyərək qeyri-müəyyən müddətə təxirə salıb.