AZ
RU
“Xanbulan” İstirahət Mərkəzinin rəhbəri Tofiq Heydərov fəaliyyətində pozuntu aşkarlandı
Lənkəran rayonunda yerləşən “Xanbulan” İstirahət Mərkəzinin rəhbəri Tofiq Heydərov barəsində maliyyə cəriməsi qərara alınıb.
Yenixeber.org-un məlumatına görə, “Xanbulan-Turizm İstirahət Mərkəzi” Məhdud Məsuliyyətli Cəmiyyətinə maliyyə sanksiyası tətbiq edilib.
Yoxlama zamanı əmək müqavilələrinin bağlanması ilə bağlı tələblərin pozulmasına dair akt əsasında 4000 manat, əhali ilə nağd pul hesablaşmalarının aparılması qaydalarının pozulmasına dair akt əsasında isə 1000 manat olmaqla, ümumilikdə 5000 manat cərimə kəsilib.
Qeyd edək ki, “Xanbulan-Turizm İstirahət Mərkəzi” MMC Dövlət Vergi Xidmətinin 6 saylı Ərazi Vergilər Baş İdarəsində qeydiyyata alınıb və onun qanuni təmsilçisi Tofiq Ələddin oğlu Heydərovdur.(Qaynarinfo)
