AZ
RU
Tokayevdən Türkiyəyə dəstək:Ərdoğana teleqram göndərdi
Qazaxıstan Prezidenti Kasım-Jomart Tokayev ötən gün Mərmərə dənizi və İstanbul bölgəsində baş verən zəlzələ ilə bağlı Türkiyə Prezidenti Rəcəb Tayyib Ərdoğana dəstək teleqramı göndərib.
Yenixeber.org: Akordanın mətbuat xidmətinin yaydığı məlumata görə, teleqramda deyilir: “Ölkələrimiz arasında çoxəsrlik dostluq, qardaşlıq və strateji tərəfdaşlığın sarsılmaz bağlarına əsaslanaraq, Qazaxıstanın türk xalqına hərtərəfli dəstək və yardım göstərməyə hazır olduğunu təsdiq edirəm”.
Xatırladaq ki, Türkiyənin şimal-qərbində baş verən 6,2 bal gücündə zəlzələ nəticəsində 200-dən çox insan zərər çəkib. Tələfat və ya böyük dağıntılar barədə məlumat yoxdur. Zəlzələnin episentri Mərmərə dənizində olub, 100-dən çox yeraltı təkan qeydə alınıb.
